ການຝຶກອົບຮົມທົບທວນຄືນວຽກງານ ສຳລັບພະນັກງານໜ່ວຍງານຄຸ້ມຄອງການປະຕິບັດງານ ແລະ ຄຸນນະພາບ

ໃນລະຫວ່າງວັນທີ 5 ຫາ 9 ມັງກອນ 2026, ຫ້ອງການຄະນະກຳມະການຄຸ້ມຄອງເເຫ່ງຊາດ ເພື່ອເເກ້ໄຂບັນຫາລະເບີດບໍ່ທັນເເຕກ ທີ່ຕົກຄ້າງຢູ່ ສປປ ລາວ ໄດ້ຈັດການຝຶກອົບຮົມທົບທວນຄືນວຽກງານ ສຳລັບພະນັກງານໜ່ວຍງານຄຸ້ມຄອງການປະຕິບັດງານ ແລະ ຄຸນນະພາບ (OQM) ທີ່ສູນຝຶກອົບຮົມແຫ່ງຊາດ (UXO National Training Center) ທີ່ນະຄອນຫຼວງວຽງຈັນ. ການລິເລີ່ມດັ່ງກ່າວນີ້ໄດ້ຮັບການສະໜັບສະໜູນຈາກ UNDP ແລະ ທຶນຈາກ KOICA ແລະ ການາດາ, ໂດຍມີຈຸດປະສົງເພື່ອເສີມຂະຫຍາຍທັກສະດ້ານເຕັກນິກຂອງພະນັກງານ 18 ທ່ານ ເພື່ອຮັບປະກັນການປະຕິບັດງານດ້ານມະນຸດສະທຳຈາກລະເບີດທີ່ບໍ່ທັນແຕກ (UXO) ໃຫ້ເປັນໄປຕາມມາດຕະຖານແຫ່ງຊາດຢ່າງປອດໄພ. ການຝຶກອົບຮົມຄັ້ງນີ້ປະກອບມີບົດຮຽນພາກທິດສະດີ ແລະ ການຝຶກປະຕິບັດຕົວຈິງ ໂດຍນຳພາໂດຍຜູ້ຊ່ຽວຊານດ້ານການຄຸ້ມຄອງຄຸນນະພາບຂອງ UNDP. ກິດຈະກຳນີ້ແມ່ນພາກສ່ວນສຳຄັນຂອງໂຄງການ "ເສັ້ນທາງປອດໄພຕໍ່ໜ້າ III (Safe Path Forward III)", ເຊິ່ງປະກອບສ່ວນເຂົ້າໃນການບັນລຸເປົ້າໝາຍການພັດທະນາແບບຍືນຍົງ (SDG) ທີ 18 ຂອງ ສປປ ລາວ.